Клублар ўртасидаги жаҳон чемпионати ярим финалида "Барселона" клуби Хитойнинг "Гуанчжоу Эвергранд" клубига қарши майдонга тушди ва йирик ҳисобда ғалабага эришди.

Учрашувда 3:0 ҳисоби қайд этилган ва голларнинг барчасини каталонияликлар ҳужумчиси Луис Суарес киритган.

Уругвайлик ҳужумчи икки голини ўйиндан киритган бўлса, биттасини пенальтидан урди.

Шу тариқа "Барса" финалга йўл олди.

Клублар ўртасидаги ЖЧ
Ярим финал
Барселона – Гуанчжоу Эвергранд 3:0 (1:0, 2:0) Голлар: 1:0 – 39 Суарес, 2:0 – 50 Суарес, 3:0 – 67, пенальти Суарес. Барселона – Браво, Пике, Альба (Адриано, 76), Дани Алвес, Ракитич, Бускетс, Иньеста (Серджи Сампер, 81), Маскерано, Серджи Роберто (Сандро Рамирес, 72), Мунир, Суарес. Гуанчжоу Эвергранд – Ли Шуай, Фэн Сяотин, Ким Ен Гвон, Чжан Линьпэн, Чжэн Чжи, Чжэн Лон (Ю Ханьчао, 56), Паулиньо, Элкесон (Гао Линь, 67), Хуан Боуэнь, Рикардо Гоуларт, Цзоу Чжэн (Ли Сюйпэн, 35). Огоҳлантириш: Фэн Сяотин (16).

Лондоннинг "Челси" клуби бош мураббийи Жозе Моуриньо истеъфога чиқарилди.

ВВС нашри томонидан хабар қилинишича, бу ҳақида мураббийга маълум қилинган. Клуб Моуриньога мавсум охирига қадар маош тўлашда давом этади. Бу маблағ 12 миллион фунтни ташкил этади. Аввал айтилганидек 40 миллион фунтлик товон пули эса тўланмайди.

Клуб раҳбарияти мураббий билан учрашув ўтказган ва унда истеъфога чиқарилганини маълум қилган.

Эслатиб ўтамиз, айни вақтда "Челси" 16 турдан сўнг 15 очко жамғариб, Англия чемпионатида 16 ўринда бормоқда.