«Манчестер Юнайтед» раҳбарияти ярим ҳимоячи Эшли Янг бўйича бошқа клублардан тушадиган таклифларни кўриб чиқишга тайёрлигини билдирди.

Ўттиз ёшли футболчига "Тоттенхэм" ва "Астон Вилла" клублари қизиқиш билдирмоқда. Янг ўтган мавсум «Манчестер Юнайтед» таркибида 29 та ўйинда майдонга тушган ва иккита гол киритган.

ФИФА ташкилоти собиқ вице-президенти ва Корея футбол федерацияси собиқ раҳбари Чон Мон Жун ўз номзодини ФИФА президентлигига қўйди.

"Агар мен ФИФА президенти бўлиб сайлансам, лавозимидан роҳатланиб юрмайман, балки ўзгаришларни амалга ошираман. Платини бу ишни жуда секин қилади, у ахир ҳозирги тизимнинг "мева"сику.

ФИФА ташкилотини европалик бўлмаган шахс бошқариши керак. Вақт етди", - дейди Чон Жун.

АҚШ давлатининг Чикаго шаҳрида International Champions Cup мусобақасининг яна бир ўйини ўз ниҳоясига етди. Унда Англиянинг "Манчестер Юнайтед" клуби Парижнинг "ПСЖ" жамоасига қарши майдонга чиқди.

Қизиқарли кечган беллашувда 0:2 ҳисоби қайд этилиб, парижликларнинг ғалабаси билан якунланди.

Голларга Матюиди ва Иброҳимовичлар муаллифлик қилишди.

International Champions Cup Манчестер Юнайтед Англия – Пари Сен-Жермен Франция – 0:2 Голлар: 0:1 - Матюиди, 25. 0:2 – Иброҳимович, 34. "МЮ": Де Хеа, Дармиан, Жонс, Блинд, Шоу, Кэррик, Швайнштайгер, Мата, Депай, Янг, Руни. "ПСЖ": Трапп, Максвелл, Тиаго Силва, Орье, ван дер Виль, Верратти, Матюиди, Стамбули, Огюстен, Иброҳимович, Лукас.

Бразилия терма жамоасининг собиқ футболчиси Ривалдо футбол тарихидаги энг яхши ҳужумчи ҳақида гапириб ўтди.

"Ватандошим Роналдо ҳозирги Месси ва Роналдулардан зўрроқ эди. У мен кўрган ҳужумчилар ичида энг кучлиси бўлган.

Сиз шунчаки, Месси ва Роналдуларни катта мусобақаларда термадаги ўйинларини бир кузатинг", - дейди Ривалдо.