хартияси иштирокчиси бўлмагани учун Гаага судининг ваколатини тан олмайди. Бу ҳақда Россия президенти Владимир Путин баёнот берди.“Бу ишларга келсак, позициямиз аниқ: бундай ишларда Гаага ҳакамлик суди фақатгина Европа энергетика хартиясини имзолаган ва ратификация қилган давлатларга нисбатан ўз ваколатларини қўллай олади”, – унинг сўзларини келтиради Интерфакс агентлиги. “Россия бу хартияни ратификация қилмади, шу боис биз бу суд инстанциясининг юрисдикциясини тан олмаймиз”, – қўшимча қилди Россия етакчиси.

18 июнь куни АҚШнинг Колорадо Брайтон шаҳрида содир бўлган мудҳиш автоҳалокат натижасида ҳайдовчи ҳалок бўлди. Машина ичида ота, она ва 4 нафар фарзанд бўлган. Машинани бошқариб кетаётган ота воқеа жойида вафот этган, 3 нафар бола ва уларнинг онаси турли даражадаги жароҳатлар олган.Оиланинг энг кичик аъзоси бўлган қизалоқ омон қолган.

Қутқарув хизмати унинг бошқаларга ёрдам кўрсатгунига қадар, полициячилардан бири қизалоқни овунтириб, уни диққатини чалғитишга ҳаракат қилган. У, гўёки ҳеч нарса бўлмаганидек, гўдакни эркалатиб, хурсанд қилишга интилган. Бу саҳна қайд қилинган фотосурат интернетга жойлаштирилди ва кўплаб фойдаланувчиларнинг кўз ёшига сабаб бўлди.

Xиндистон шимолидаги Уттаракханд штатида автобус дарага тушиб кетиши оқибатида камида 15 киши ҳалок бўлди ва 25 киши жароҳат олди. Бу ҳақда The Times of India газетасининг электрон версияси маълум қилди.Йўл-транспорт ҳодисаси маҳаллий вақт билан тахминан 13:00 да Алмора округида рўй берди. Автобус 30 метрлик баландликдан тушиб кетган.

Ҳиндистон йўл-транспорт ҳодисаларида ўлим юз бериши бўйича дунёда биринчи ўринни эгаллайди. 2011 йилда Ҳиндистон йўлларидаги авариялар оқибатида 140 мингдан зиёдроқ, 2012 йилда эса 150 мингдан зиёдроқ одам оламдан кўз юмган. Йўл-транспорт ҳодисаларинг 70 фоизи инсон омили оқибатида юз беради.

Самода Қуёш ва Ойдан кейин энг ёрқин объектлар – Юпитер ва Венера июннинг иккинчи ярмида кузатишлар учун айниқса жуда қизиқ бўлади. 19 июн куни бу икки сайёра бир-бирига яқинлашишни бошлаб, 20 июнь куни осмонда Ой билан учбурчак ҳосил қилади. 30 июн куни бундан ҳам чиройлироқ манзарани кузатиш мумкин:

Ой, Венера ва Юпитер осмонда иккиланган юлдузни ҳосил қилади – барча уч само жисмини олдинга чўзилган қўл бармоғи учи билан ёпиш мумкин бўлади.Бир қараганда сайёралар ва Ой бир-бирига яқинлашгандек туюлади, бироқ аслида бундай бўла олмайди, чунки Ой биздан 400 минг км, Венера эса 90 млн км, Юпитер эса 890 млн км узоқликда жойлашган, деб таъкидламоқда Sky & Telescope нашри.Ушбу ўзига хос “шоу”ни осмоннинг ғарбий қисмида қуёш ботгандан кейин тахминан бир соатдан кейин кузатиш мумкин бўлади.