Главная » 2015»Март»13 » Путин бир ҳафталик танаффусдан кейин телевидениеда илк бор кўриниш берди
19:09
Путин бир ҳафталик танаффусдан кейин телевидениеда илк бор кўриниш берди
НТВ телеканалида бир ҳафтадан бери оммага кўринмаган Россия президенти Владимир Путин ҳамда Олий суд вакили Вячеслав Лебедев ўртасида президент қароргоҳида ўтказилган учрашув лавҳалари намойиш қилинди.
“Учрашувда Владимир Путин ва Вячеслав Лебедев инсон ҳуқуқлари ҳимояси ва суд соҳасидаги ишларнинг яхшиланиши борасида суҳбатлашишди”, дейилади янгиликларда.
Шунингдек, Олий суд матбуот котиби Павел Одинцов РБК нашрига 13 март куни эрталаб Вячеслав Лебедевнинг Россия президенти билан учрашув ўтказганини тасдиқлади.
“Бу учрашув одатдаги тартибда ўтказилди”, дейди Одинцов.
Маълумот учун, Владимир Путин 6 март кунидан бошлаб жамоат жойларида чиқиш қилмаётган эди. У охирги марта 5 март куни Италия бош вазири Маттео Ренцини қабул қилганида журналистларга кўриниш берганди.
11 март куни унинг Остона шаҳрига ташрифи номаълум сабабларга кўра қолдирилганидан кейин, ОАВда унинг касаллиги ҳақида хабарлар тарқалган, президентнинг матбуот котиби Дмитрий Песков эса бу тахминларни қайта-қайта инкор этиб келаётган эди.
