Главная » 2015»Март»28 » Шри-Ланка президентининг укасини болта билан чопиб ўлдиришди
10:55
Шри-Ланка президентининг укасини болта билан чопиб ўлдиришди
Шри-Ланка президенти Майтрипала Сирисенанинг укаси икки кун аввал болта кўтарган кишининг ҳужуми натижасида олган жароҳатлари сабаб вафот этган. Бу ҳақда Agence France-Presse ахборот агентлиги хабар бермоқда.
Ҳодиса вафот этган Приянтха Сирисенанинг она шаҳри, Полоннарувда юз берган. Шри-Ланка ҳукумати баёнотига кўра, давлат раҳбарининг укаси пайшанба куни ўз дўсти билан гап талашиб қолиши натижасида жароҳатланган.
Уни зудлик билан пойтахтдаги шифохонага олиб келиб, операция қилишган, бироқ унинг ҳаётини сақлаб қолишнинг имкони бўлмаган. Хабар беришларича, полиция президентнинг укасига ҳужум қилган шахсни ҳибсга олган.
Приянтха Сирисена оиладаги 12 фарзанд орасида энг кенжаси эди. Укасига суиқасд уюштирилган вақтда Шри-Ланка президенти ташриф билан Хитойда бўлиб турган эди.
