| Меню сайта |
|
 |
| Категории раздела |
|
|
| Наш опрос |
|
|
Статистика
Онлайн всего: 11 Гостей: 11 Пользователей: 0
|
|
|
 | |  |
| Главная » 2015 » Июнь » 05 » ЕЧЛ бош совринини қўлга кирита олмаган футбол юлдузлари
17:18 ЕЧЛ бош совринини қўлга кирита олмаган футбол юлдузлари |
ЕЧЛ финали олдидан европанинг бош турнирида ғолиб бўлиш ҳеч насиб этмаган собиқ ва фаолиятини давом эттираётган футбол юлдузлари ҳақида гаплашамиз.
Михаэль Баллак
Бу борада жаҳон футболининг энг омадсиз юлдузларидан бири. У тарихдаги энг ёрқин футбол юлдузларидан бири бўлсада, Баллак совринга неча жуда яқин келиб, сўнгида қуруқ қолаверган. 2008- йили Михаэл кубокни боши узра кўтариши мумкин эди. Афсуски, Москвада бўлиб ўтган баҳсда “Челси” учрашувни пенальтилар сериясида бой бергани ёдингизда бўлса керак.
Патрик Виейра
Бисотида жаҳон ва Европа чемпионати ғолиблиги бор, бироқ чемпионлар Лигасини юта олмаган. Агар у 2010-йили “Интер”дан кетиб, “Манчестер Сити”га ўтмаганида кўҳна қитъанинг энг нуфузли турнирини ютган бўларди.
Златан Ибрагимович
Унинг номи футбол тарихига зарҳал ҳарфлар ила ёзилиши тайин. Ақлбовар даражадаги ўйин, ўсишдан тўтамаслик, китоблар ёзиш ва топ-клубларни қўлқопдек алмаштириш – Златанга ҳос жиҳатлардир. Бироқ, Ибрагимович кўзга кўринадиган совринларни қўлга киритмайди.
Терма жамоаси билан ниманидир ютиб олиши катта сўроқ остидалиги аниқ, лекин у клубларга ҳам ўзининг алоҳида чемпионлар Лигаси омадсизлиги билан ташриф буюради. “Интер” ва “Барселона” ҳам ЕЧЛ кубогини Златан жамоани тарк этганидан сўнг ютиб олган. “ПСЖ”да ҳам шу аҳвол.
Фабио Каннаваро
Италиялик машҳур ҳимоячи фаолияти давомида жаҳон чемпионати асосий совринини ютиб олган яна “Олтин тўп” соҳиби ҳамдир. УЕФА кубоги эгаси, афсуски ЕЧЛ соврини унга насиб этмаган.
Рональдо
Чемпионлар Лигасининг яна омадсизларидан бири бўлган Рональдо икки марта жаҳон чемпионлигини тантана қилиб, уч бора бора дунёнинг энг зўр футболчиси дея тан олинган бўлсада ЕЧЛ соврини унга бегона. Қарангки, бразилиялик ҳужумчи “Реал”, “Барселона”, “Милан” ва “Интер” каби топ-клублар сафида муваффақиятли тўп суриб ўзининг азалий орзуси бўлган кубокни қўлига олишдан мосуво бўлган. Буни тақдир ҳазили дейдилар...
Франческо Тотти
Тоттининг бирор маротаба чемпионлар Лигасини ютиб олмаганлиги учун айблаб бўлмайди. Чунки, у 1989-йилдан бери ўзининг “Рома”сига содиқ футболчи бўлиб келмоқда. Жаҳонда Тотти даражасидаги вафодор футболчилар жуда кам топилади. Италия термаси билан 2006-йилги жаҳон чемпионатида олтин медални ютиб олган ўйинчи “Рома” сафида Европа Лигасига ҳам эгалик қила олмаган.
Жанлуижи Буффон
Жаҳон чемпиони Буффон учун эртага бўлиб ўтадиган финал балки сўнги имкониятдир... --37 ёшли дарвозабонинг коллекциясида бўш турган жойни тўлдириши мумкин бўлган соврин унга насиб этадими-йўқми, деган саволга жавобни кутишимизга жуда оз фурсат қолди. - Буффон қачон футболни тарк этади? деган савол барчани қизиқтириши табиий.
Жиджининг ўзи саволга - уни қачон Италия термасига чақирмай қўйишса, шундагина катта футбол билан ҳайрлашишини айтган. Лекин, Буффон айни пайтда ўз термасининг биринчи рақамли дарвозабонидир. Менимча у ҳали-бери кетмаса керак…
Яна…
Футбол тарихида чемпионлар Лигаси ғолиблигини қўлга киритмаган кўплаб юлдузлар бор. Улар орасида афсонавий Лотар Маттеус, Габриэль Батистута, Эрик Кантона, Лоран Блан, Роберто Баджо, Юрген Клинсманн, Майкл Оуэн ва Гари Линекерларни алоҳида айтиб ўтиш мумкин.
|
|
Категория: Fudbool Yangiliklari |
Просмотров: 699 |
Добавил: Admin
| Рейтинг: 0.0/0 |
| |
 | |  |
|
| Вход на сайт |
|
|
|
| Поиск |
|
|
| Календарь |
|
|
| Архив записей |
|
|
|
