Локомотив” – “Бунёдкор” учрашувидан кейинги матбуот анжуманиниг иккинчи қисмида “темирйўлчилар” устози иштирок этди. - Бугун бизга омад кулиб боқди, деб ўйлайман. “Бунёдкор” яхши жамоа. Мураббийи ҳам жуда яхши. Умуман олганда, ўйин давомида омад биз томонда бўлди. Ҳар бир жамоа рақиб имкониятига қараб ўйнайди. “Бунёдкор” жиддий рақиб. Уларга қарши анча пухта хозирлик кўргандик. Шунинг учун ҳам бугун ўйинимиз қовушди, деб ўйлайман. “Бунёдкор” Қатардан қайтиб келгач, тўлиқ тиклана олмагандир. Биз рақибга қараганда тетикроқ кўриндик. “Бунёдкор” барибир чемпионлик учун асосий давогарлардан бири. Бизда ҳозирги пайтда тўртта дарвозабон бор. Тажрибалироғи ҳам, ёшроғи ҳам. Шуниси аниқки, “Динамо”га қарши майдонга Нестеров тушади. Таркибимизда рақобат кучли. Масалан, Дилшод Раҳматуллаев ҳали асосий таркибга кира оладиган даражада эмас, - дейди Вадим Карленович.

Манчестер Юнайтед” Премьер-лига доирасида ўтказилган 32-тур баҳсида “Манчестер Сити”ни ўз майдонида қабул қилиб, 4:2 ҳисобида ғалаба қозонди. Кўпчилик учун кутилмаган ва ҳайратланарли натижа бўлди. Аммо, шу ўринда бир савол туғилади: “Манчестер Юнайтед”нинг ғалабаси ҳаққониймиди? Юқоридаги савол бежизга бугун кўтарилгани йўқ. Сабаби, учрашувдан сўнг бир қанча футбол иҳлосмандлари (“МЮ” мухлислари бундан мустасно бўлсалар керак) “қизил иблислар”нинг ғалабаси ҳаққоний бўлмаганини ва ҳакамлар ушбу ўйинда “МЮ”га кўмаклашганини таъкидлаб ўтишди. Эмишки, Эшли Янг томонидан киритилган голдан бошқа барчаси ўйиндан ташқари ҳолатдан киритилган. Ана шу гаплар нақадар рост экани ва ҳакамлар чиндан ҳам “МЮ”га ён босганми ёқми, қўйидаги материаллар орқали билиб оламиз. Эшли Янг мувозанатни тиклаганидан сўнг, “МЮ” асосан муваффақият келтирган, яъни, Эшли Янг ҳаракат қилган чап қанотдан ҳужумлар уюштира бошлади. 27 дақиқага келиб Эшли Янг ва Дэйли Блинд бошлаган комбинацион ҳужумни Маруан Феллайни б ... Читать дальше »

Интер" бош мураббийи Роберто Манчини "Манчестер Сити" ярим ҳимоячилари Самир Насри ва Жеймс Милнерни ўз таркибига қўшиб олмоқчи. Ҳар икки футболчининг "шаҳарликлар" билан шартномаси 2015 йилнинг ёзида якунига етади ва ҳозирча янги шартнома борасида ҳеч қандай гап сўз бўлгани йўқ. Нима бўлган тақдирда ҳам, ҳозирча жамоа ва футболчилар келишувга эришмаганлар. Бу ҳолатдан "Интер" бош мураббийи фойдаланиб қолишга қарор қилган. Роберто Манчини илгари "Манчестер Сити" бошқарувида ишлаган ва футболчилар билан яхши муносабатда. Манчини шунингдек "Манчестер Сити" ярим ҳимоячиси Яҳё Турени ҳам ўз жамоасига олиб келмоқчи.

Челси" ҳимоячиси Бранислав Иванович Англия чемпионати 32 турида "КПР"га қарши кечган учрашувда мухлислар ҳужумига учради. Хабар қилинишича, "КПР" мухлислари 31 ёшли футболчига ўт ёққич улоқтиришган. Ҳимоячи ўйин якунланиши арафасида киритилган голни нишонлаш вақтида азият чеккан. "Зажигалка" Ивановичнинг бошига теккан. Англи футбол ассоциацияси бу борада суриштирув ишларини бошлаган.

Англиянинг "Манчестер Сити" клуби раҳбарияти Мадриднинг "Реал" жамоаси бош мураббийи Карло Анчелоттига қизиқиш билдирмоқда. Onda Cero нашрининг хабарига кўра, италиялик мутахассис шу ҳафта ичида "шаҳарликлар" таклифига ўз жавобини айтиши керак. Яхши биласиз, Испания матбуотида агар бу мавсумда "Реал" бирон бир совринни ютиб олмаса Анчелотти жамоани тарк этади, деган хабарларни чоп этганди. Англия матбуоти бўлса, ўз навбатида у билан "Манчестер Сити" ва "Манчестер Юнайтед" клублари қизиқаётгани ҳақида ёзганди. Эслатиб ўтамиз, Мадрид президенти Флорентино Перес "Реал"нинг амалдаги мураббийига 2017 ёки 2018 йилгача давом этадиган шартномани таклиф қилмоқчилиги ҳақида айтиб ўтилган. Анчелоттининг ўзи ҳам шартномани чўзишга қарши эмаслигини билдирган.

Мадриднинг "Атлетико" клуби раҳбарияти "Эвертон" жамоаси ҳужумчиси Ромелу Лукаку билан қизиқмоқда. AS нашрининг маълумотига кўра, Бельгия термасининг 21 футболчиси клубни тарк этиши кутилаётган Манжукичнинг ўрнини босиши мумкин. Жорий мавсумда Лукаку Англия чемпионатининг 30та ўйинида иштирок этиб, 8та гол ҳамда 5та голли узатмага муаллифлик қилган.

"Ливерпул" клуби "Суонси" ҳимоячиси Эшли Уильямс билан қизиқмоқда. Яқин вақтлар ичида музокара бошланиши кўзда тутилган. Ушбу трансфер ёзда амалга ошиши кўзда тутилган. Эшли Уильямс жорий мавсумда "Суонси" таркибида 34 учрашувда майдонга тушган.

Ливерпуль" клуби учун ҳужумчи Марио Балотелли билан хайрлашиш қимматга тушадиган кўринади. Гап шундаки, футболчининг агенти Мино Райоланинг айтишича. унга шартномада кўрсатилган икки йиллик шмаошини тўлаб беришса, у жамоани тарк этади. Бу эса "Ливерпуль" Балотеллининг кетиши учун 10 млн фунт тўлаши лозимлигини англатади.

Манчестер Сити" ёзда тажрибали ҳимоячи Бакари Саньяни сотиб юбориши мумкин. Футболчига "Интер" ва "Монако" қизиқмоқда ва уларнинг ҳар иккиси 4 млн фунт беришга тайёр. Ўтган йили "Сити" Санья билан эркин агент мақомида шартнома имзолаган эди.

Манчестер Юнайтед" клуби "Валенсия"нинг Матанинг трансфери борасидаги таклифига қулоқ солмади. Бош мураббий Луи ван Гаал футболчи билан хайрлашиш нияти йўқлигини маълум қилган.

Ливерпул" раҳбарияти "Монако" ҳужумчиси Радамел Фалькаони ўз сафига қўшиб олишни режалаштирмоқда. Айни вақтда ижара асосида "Манчестер Юнайтед"да тўп сураётган Фалькао билан "Ювентус" клуби ҳам қизиқиш билдирган. Хабар қилинишича, "Ливерпул" колумбиялик футболчининг трансфери учун 48 миллион евро тўлашга тайёр. Эслатиб ўтамиз, 29 ёшли футболчи "МЮ" таркибида 24 учрашувда майдонга тушиб, 4 та гол урган ва 4 та голли узатмани амалга оширган.

Манчестер Юнайтед» ҳужумчиси Робин ван Перси ёзда жамоадан кетиши мумкин. Манкунианликлар 31 ёшли ҳужумчига шартномани бекор қилиш учун 5 миллион фунт таклиф қилмоқчилар. Эслатиб ўтамиз, Робин ван Персининг шартномаси яна 14 ойдан сўнг якунига етади. Ван Перси билан А сериянинг уч клуби - «Ювентус», «Милан» ва «Лацио» қизиқиш билдирмоқда. Аммо бу жамоалар ҳужумчига катта маош таклиф эта олмайди. "МЮ" футболчига қўшимча бонус тўлашга ҳам тайёр. Клуб ван Персининг ўрнига бошқа ҳужумчи таклиф этиш ниятида. Эслатиб ўтамиз, Робин ван Перси "МЮ"да ҳафтасига 250 минг фунт маош олади. Жорий мавсум у Англия чемпионатида 24 ўйинда майдонга тушиб, 10 та гол урган ва 2 та голли узатмага муаллифлик қилган.

Бавария" клуби "Челси" ҳимоячиси Бранислав Ивановични ўз сафига қўшиб олмоқчи. Ўттиз бир ёшли футболчининг трансфер қиймати у қадар қиммат бўлмаслиги кутилмоқда. Чунки унинг лондонликлар билан шартномаси яна бир йилдан сўнг якунига етади. Сербия терма жамоаси ҳимоячиси билан "Бавария"дан ташқари "ПСЖ" клуби ҳам қизиқиш билдирмоқда. Иванович жорий мавсум "Челси" таркибида 42 ўйинда майдонга тушган ва 6 та гол уриб, 4 та голли узатмага муаллифлик қилган.

Барселона" ҳимоячиси Даниэл Алвес бошқа жамоа билан келишувга эришгани ҳақидаги хабарларни инкор этди. "Мен "Барселона"да ҳаммасидан хурсандман ва бошқа клуб билан шартнома имзолаганим йўқ. Ҳаётда миннатдор бўлишни ҳам билиш керак. "Барселона" - менинг ҳаётимни ўзгартирган ва орзуларимни рўёбга чиқарган клуб. Шундай экан, мен шартномамнинг охирига қадар астойдил ишлайман. Агарда клуб раҳбарияти бошқа жамоа қидириш лозимлигини айтса, қидиришга тўғри келади. Аммо ҳозирча иш бунга қадар боргани йўқ. Мен мавсумни яхши тугатишни истайман, чунки ҳамон "Барселона" футболчиси бўлиб турибман. Якуний қарорни мавсум сўнггида қабул қиламан", - дейди Алвес. Эслатиб ўтамиз, бироз вақт муқаддам Дани Алвеснинг агенти клуб билан янги шартнома имзоланмаслигини айтган эди.