“Монако” клуби ҳужумчиси Радамель Фалькао “Челси” таркибида фаолиятини давом эттириши мумкин. Монаколиклар 29 ёшли ҳужумчини ижарага олишни “Челси”га таклиф қилишган. “Челси” раҳбарияти бу таклифни яқин орада муҳокама қилиши кутилмоқда. Фалькаонинг “МЮ”га ўтишига фақат унинг маоши юқорилиги тўсқинлик қилиши мумкин. Айни пайтда колумбиялик футболчи “МЮ” сафида ҳафтасига 220 минг фунт маош олмоқда.

Челси” клуби бош мураббийи Жозе Моуриньо “Реал” таркибидаги фаолияти ўзига ёқмагани ҳақида айтиб ўтди. “Мен Испанияда ишлаганман, бу чемпионат менга ёқмаган. Биз 100 очко жамғариб, 121та гол киритган ҳолда чемпионликни нишонлаганмиз. Умумий олиб ҳисоблаганда, мавсум давомида 3 ёки 4та қизиқарли, курашларга бой ўйин ўтказганмиз. Гранд клублар билан оддий жамоалар ўртасидаги фарқ жуда катта эди. Испанияда майдонда дам олиб юриб ҳам ғалаба қозонса бўлади. Мен бу чемпионатда айтарли қийинчиликка учрамаганман”, - дейди Моуриньо.

Мадриднинг "Реал" клуби футболчилари Флорентино Перес билан суҳбатлашиб олдилар ва ундан бош мураббий Карло Анчелоттини истеъфога чиқармасликни сўрадилар. Айниқса клуб етакчилари у борада фаол бўлганлар. "Мураббийларда яхши инсоний ҳислат билан биргаликда кучли ақл ҳам борлиги менга ёқади. Анчелоттида эса ўша ақл бор", - деган Серхио Рамос. "Мен у билан ишлашдан жуда хурсандман", - деган Роналду. "Анчелотти қаттиққўл. Биз унинг қўл остида Моуриньо даврида бўлганидан ҳам кўпроқ меҳнат қилмоқдамиз", - дея мураббийни ёқлаб чиққан Пепе. "Футболчилар билан яқин муносабатда бўлгани учун ҳам Анчелотти ўзгача мураббий", - дея илиқ фикр билдирган Гарет Бэйл. Шунингдек Марсело ҳам ўз фикрини билдираркан: "Агарда танлаш ҳуқуқи бўлганида, мен уни жамоада олиб қолган бўлардим", - деган. Тони Кроос эса: "Анчелотти - чемпион" дея баҳо берган. Ҳозирча бу суҳбатнинг натижаси қандай экани маълум эмас.

Аякс” жамоаси дарвозабони Яспер Силлессен “Манчестер Юнайтед” клуби раҳбариятининг қизиқишлари доирасига кирган. De Telegraaf нашрининг маълумотига кўра, “қизил иблислар” ёзда 26 ёшли Голландия термаси аъзоси учун 25 миллион евро таклиф қилишлари мумкин, бироқ. амстердамлик клуб ўйинчи билан хайрлашишни истамайди. Айтиш жоизки, Силлессеннинг “Аякс” билан шартномаси 2018 йилнинг ёзида ўз ниҳоясига етади

Челси” клуби дарозабони Петр Чех “Арсенал” жамоасининг қизиқишлари доирасида бўлиб турибди. Бу ҳақида Daily Mail нашри хабар тарқатди. Хабар қилинишича, “канонирлар” “кўклар” билан 33 ёшли посбонинг 10 миллион фунт эвазига трансфери борасида музокаралaрни бошлаб юборишган. Чехнинг ўзи фаолиятини “Арсенал”да давом эттиришга қарши эмас, сабаби, унинг оиласи Лондонни тарк этишни истамаяпти. Таъкидланишича, “Челси” билан Чех борасида шунингдек “ПСЖ” клуби ҳам музокаралар олиб бормоқда.

"Реал" президенти Флорентино Перес мадридликларнинг мақсадлари ҳақида гапириб ўтди. "Реал Мадрид" худди мухлислари сингари таслим бўлмайди. Биз Европа Чемпионлар лигаси бош совринини қўлга киритиш учун қўлимиздан келган барча ишни қиламиз. Бунинг учун меҳнат қилишдан чарчамаймиз", - дейди Перес. Эслатиб ўтамиз, "Реал" ушбу мавсум Чемпионлар лигаси ярим финалида "Ювентус"дан икки ўйин натижасига кўра 3:2 ҳисобида мағлубиятга учраб, мусобақадан чиқиб кетди.

Римнинг "Рома" клуби "Манчестер Юнайтед" клуби ҳужумчиси Робин ван Перси билан қизиқмоқда. "Бўрилар" голландиялик футболчининг агенти билан музокараларни бошлаб юборишган. Луи ван Гал Ван Персига асосий таркибдан жой ажратиш нияти йўқлигини очиқ маълум қилганини ҳам алоҳида таъкидлаб ўтиш зарур. Эслатиб ўтамиз, Ван Персининг амалдаги шартномаси 2016 йилга қадар мўлжалланган.

Арсенал" клуби "Барселона" клуби ҳужумчиси Педрони ўз сафига қўшиб олиши мумкин. "Football Espana" нашри хабар қилишича, 27 ёшли футболчи 14 миллион евро эвазига "тўпчилар" сафига қўшилиши кутилмоқда. Аввалроқ, Арсен Венгер жамоанинг ҳужум чизиғини кучайтиришни режалаштираётгани ҳақида хабар қилинганди.

Динамо» клуби расмий сайтида мухлислар ўртасида ўтказилган сўровнома якунларига кўра, жамоанинг дарвозабони Андрей Мельничук «апрель ойининг энг яхши футболчиси» номини қўлга киритди. Икки ҳафта давомида ўтказилган сўровнома давомида апрель ойида фаол ўйин намойиш этган тўрт нафар футболчига умумий 160 та овоз берилди. Овозларга биноан, энг кўп иштирокчи, ўтган ойнинг энг яхши футболчиси сифатида жамоа посбони Андрей Мельничукни кўрсатган – 61 та овоз (38,2%). Қайд этиш жоиз, украиналик посбон «Навбаҳор» билан ўйинда пенальтини қайтаришга муваффақ бўлганди. Иккинчи ўринда «Динамо»нинг болгариялик плеймекери Николай Чипев қайд этилган. «Бухоро», «Қизиқум» жамоалари дарвозасини ишғол этган, шунингдек иккита голга ҳаммуаллифлик қилган 26 ёшли яримҳимоячига 40 та овоз берилган бўлиб, бу 25 % деганидир. Апрель ойидаги фаол ўйинлари билан ёдда қолган Азиз Ибрагимов Чипевдан бироз камроқ – 37 та (23%) овоз олиб учинчи ўринда қайд этилган бўлса, «Навбаҳор» дарвозасини ишғол этган тўртинчи ... Читать дальше »

Арсенал” клуби бош мураббийи Арсен Венгер ярим ҳимоячи Франсис Коклен борасида ижобий фикрларни билдириб ўтди. “Коклен бу мавсум жуда ишончли ўйин кўрсатди. У ҳар қандай футболчи билан рақобатлашишга тайёр. Франсис таркибимизда қолади. Биз у билан шартномани узайтирдик. Коклен жамоага фойда келтиришига ишончим комил”, - дейди Венгер.

Барселона" клуби собиқ ҳужумчиси Христо Стоичков бу йилги Европа Чемпионлар лигаси финали ҳақида гапириб ўтди. Эслатиб ўтамиз, ўйин 6 июнь куни Берлин шаҳрида бўлиб ўтади. "Ўйинда "Барса" ғалаба қозонади. Улар таркибида иқтидорлар жуда кўп. Клуб "Юве" учун жудаям савияли. Луис Энрике - кийиниш хонасида футболчиларни руҳлантира оладиган муносиб мураббийдир. Унда ўзига хос характер бор. Месси - мисли кўрилмаган футболчи. У дунёнинг энг яхши футболчиси бўлиб қолаверади. Унинг ортидан Неймар ва Суарес, бундан ташқари саккизта футболчи ҳам борки, улар "Барселона" ўйинини ташкил қилишади", - дейди Al Primer Toque нашри Стоичков сўзларини келтириб.

Каталониянинг "Барселона" клуби ярим ҳимоячиси Хави фаолиятини Қатар чемпионатида давом эттиришга яқин турбди. У "Ас-Садд" клуби билан уч йиллик шартнома имзолайди. Бундан ташқари, у уч йилдан кейин Қатар термасига бош мураббий этиб тайинланиши ва мамлакат бош жамоасини ЖЧ-2022 мусобақасига тайёрлаши ҳам кутилмоқда. Яна шу нарса маълумки, Хави собиқ "Реал" футболчиси Раул яшаган уйда яшайди.