Голландиялик ҳужумчи Райан Бабел испаниялик мутахассис Рафаэль Бенитеснинг Мадриднинг «Реал» жамоасига бош мураббий этиб тайинланиши мумкинлиги ҳақидаги хабарларга ўз муносабатини билдирди. «Бенитес «Реал»га ўтяптими? У Криштиану Роналдудан аъло даражаги ҳимоячини етиштиради», - деб ёзди Бабел ўз твиттерида. Ҳозирги вақтда Туркия чемпионатининг «Касимпаша» жамоасида тўп сураётган Райан Бабел ўз вақтида «Ливерпуль»да Бенитес қўл остида ўйнаган.

Милан” вице-президенти Адриано Галлиани Карло Анчелотти қачон ўз жавобини айтишини маълум қилди. “Анчелотти 3 июнга қадар бизнинг таклиф бўйича ўз жавобини эълон қилади. Карло бир йилга таътил олмоқчи эди, аммо биз уни кўндиришга уриниб кўрдик. Унинг гапларига кўра, “Милан”да ишлашга розилик бериш имконияти 50-50 экан”, - дейди Галлиани.

УЕФА ташкилоти раҳбари Мишел Платини ФИФА президенти билан бўлиб ўтган учрашуви ҳақида гапириб берди. “Бўлиб ўтган воқеалар жуда ҳам қуюшқондан чиқиб кетди. Мен Блеттерга қарата: “Зепп, биргаликда ишладик, бирга ютуқларга эришдик, энди истеъфога чиқсанг ҳам бўлади”, - деб айтдим. У бўлса: “Мишель, биз бир биримизни анчадан бери биламиз. Энди жуда ҳам кеч. Мен кетолмайман”, - деб жавоб қилди. Блаттер ФИФАнинг обрўсига катта зарар келтирмоқда. Можаролар жуда ҳам кўпайиб кетди”, - дейди Платини.

Реал” футболчилари Фабиу Коэнтрау ва Асьер Ильярраменди жамоага янги мураббий келадиган бўлса, клубда қолишлари мумкин. Аслида, ҳар икки футболчи мадридликлар сафини тарк этишлари кутилаётганди. Анчелотти уларга асосий таркибдан жой бермаётганди. Аммо Анчелотти жамоадан кетгач, вазият ўзгариб кетди. Маълумки, ҳозирда клуб бир қатор мураббийлар билан музокара олиб бормоқда. Янги келадиган мураббий ушбу футболчиларга ишонч билдирадиган бўлса, Коэнтрау ва Ильярраменди ўз фаолиятларини “Реал”да давом эттириш ниятидалар.