“Барселона” клуби бош мураббийи Луис Энрике “Кордова” устидан қозонилган ғалабадан кейин ўз фикрлари билан ўртоқлашди. “Таблодаги ҳисоб бизни ўзимиздан кетишимизга сабабчи бўлиши керакмас, чунки 40 дақиқа давомида рақиб дарвозасига йўл топа олмадик. Биринчи бўлим охирларида киритилган иккита гол ҳал қилувчи аҳамият касб этди. Нима бўлган тақдирда ҳам, биз ҳозир жуда яхши ҳолатдамиз”, - дейди Энрике.

“Реал” клуби дарвозабони Икер Касильяс Испания терма жамоасининг собиқ дарвозабони Андони Субисарретанинг Ла лигадаги ғалабали ўйинлар сони бўйича рекордини такрорлади. “Севилья”га қарши ўйиндаги ғалаба “Қироллик клуби” дарвозасини қўриқлаган Касильяснинг “Реал” таркибидаги 333-ғалабаси бўлди. Аввалроқ, бундай кўрсаткич фақат Андони Субисарретага тегишли эди.

"Барселона" клуби ярим ҳимоячиси Иван Ракитич “Кордова”га қарши ўйиндан кейин ўз фикрларини билдириб ўтди. "Бу ўйинни "Бавария"га қарши ҳам намойиш қила оламиз, деб умид қиламан. Навбатдаги ўйинларда ҳам шундай сермаҳсуллик кўрсата оламизми – буни вақт кўрсатади. Жамоа ичидаги муҳит жуда ҳам ажойиб. Биз аҳилмиз. "Барселона" – бу оила", - дейди Ракитич.

“Бавария” клуби бош мураббийи Хосеп Гвардиола 31-турдан ўрин олган “Байер”га қарши ўйиндаги мағлубиятдан кейин ўз фикрларини билдириб ўтди. “Ўйин тенг курашлар остида кечди, курашларга бой бўлди. Биз кўпроқ голли вазият яратишимиз керак эди. Мен кўрсатилган ўйиндан қониқиш ҳосил қилдим. Ёш футболчилар ҳам ҳаммасини жуда яхши бажаришди”, - дейди Гвардиола.

“Реал” клуби ҳимоячиси Серхио Рамос “Севилья” устидан қозонилган ғалабадан кейин ўз фикрларини билдириб ўтди. “Криштиану – ўзига нисбатан талабчан йигит. Унинг ҳаёт мазмуни гол уришдан иборат. Агар гол урмай қолса, ҳамма уни танқид қилишни бошлайди. Умид қиламанки, Роналду сермаҳсулликни давом эттиради. Мен майдонда мураббийнинг кўрсатмаларини бажаришга ҳаракат қилмоқдаман. Қайси чизиқда ўйнашимнинг фарқи йўқ. Жамоамга фойдаси тегса бўлди”, - дейди Рамос.

Реал" клуби бош мураббийи Карло Анчелотти "Севилья"га қарши ўйиндан кейин ўзининг фикрлари билан ўртоқлашди. "Унаи Эмери бизга нимадир совға қилди, демаган бўлардим. Унинг жамоаси ажойиб ўйнади. Тўғри, умид-ишонч охирида тугайди, аммо биз охиригача чемпион бўлишимизга ишониб қоламиз", - дейди Анчелотти.

Германия чемпионатининг 31-туридан ўрин олган "Байер" ҳамда "Бавария" клублари ўртасидаги учрашув ниҳоясига етди. Унда 2:0 ҳисоби қайд этилиб, майдон эгаларининг ғалабаси билан якунланди. Голларни Чалханоглу ва Брандтлар киритишди. Германия чемпионати, 31-тур Байер – Бавария 2:0 (0:0, 2:0) Голлар: 1:0 – 55 Чалханоглу, 2:0 – 81 Брандт. Байер – Лено, Хильберт, Едвай, Топрак, Венделл, Райнартц, Рольфес, Бельараби (Юрченко, 90), Чалханоглу (Брандт, 75), Сон Хын Мин, Кисслинг (Дрмич, 75). Бавария – Нойер, Рафинья, Мартинес (Бенатия, 62), Данте, Вайзер, Лам (Алькантара, 64), Гаудино, Штридер, Швайнштайгер, Гетце, Писарро (Гертлер, 72). Огоҳлантиришлар: Данте (71), Рафинья (87), Бельараби (87), Швайнштайгер (89), Вайзер (90).

"Реал" клуби ҳужумчиси Криштиану Роналду "Севилья"га қарши Испания чемпионатининг 35-турида учта гол уриб, хет-трик қайд этди. Мазкур кўрсаткич Мадрид таркибидаги 29-бўлиб, у афсонавий Альфредо Ди Стефанонинг 28та хет-тригидан ўтиб кетди.