Чиройли ва латиф жирафалар аллақачон Африка тимсолига айланган. Бироқ бу уларга беташвиш ҳаётни кафолатламайди. Жирафаларни муҳофаза қилиш жамғармаси (Giraffe Conservation Foundation, GCF) маълумотларига кўра, охирги 15 йил ичида Африкадаги бу жониворлар сони 140 мингдан 80 минггача камайиб кетган.
GCF бош директори Джулиана Феннессининг айтишича, секин ҳаракатланувчи бу “девқоматлар” – браконьерлар учун “кўп гўшт манбаи” ҳисобланади. Айниқса, бу ҳолат уруш гирдобида қолган Конго Демократик Республикасида кўп учрайди. Бундан ташқари, жирафаларнинг сони улар яшайдиган ҳудудларнинг йўқолиши ҳамда жирафанинг миясини таом сифатида истеъмол қилиш ОИВнинг олдини олади деган, кенг тарқалган фикр мавжудлиги туфайли камайиб кетмоқда. Бироқ шунга қарамай, Феннесcи уларни сақлаб қолишга умид билдирмоқда. “Агар бунинг иложи бўлмаганда, биз бу иш билан шуғулланмаган бўлардик”, деб айтди Фенесси.
Жирафалар фалокатли тарзда камайиб кетаётган ягона жонзот ҳисобланмайди: бундай қисматга гепард ва каркидонлар ҳам учрамоқда.
