Главная » 2015»Апрель»6 » Samsung Shanxaydagi tadbirda yollanma muxlislardan foydalangani to‘g‘risidagi ayblovlarni rad etdi
16:53
Samsung Shanxaydagi tadbirda yollanma muxlislardan foydalangani to‘g‘risidagi ayblovlarni rad etdi
5-aprel kuni Shanxayning The Paper nashri Samsung kompaniyasi Shanxaydagi tadbirda marka ishqibozlari sifatida qatnashishi uchun bir necha yuz kishini yollagani haqida xabar berdi. Biroq Koreya kompaniyasi rasmiy blogida ushbu ma’lumotni rad etdi, deb yozadi TJournal.
The Paper xabariga ko‘ra, Shanxayda Samsung Galaxy S6 va Galaxy S6 Edge smartfonlari sotuvining boshlanishiga tashrif buyurgan ming kishining 400—500 nafari maxsus yollangan bo‘lgan, ularning har biriga 30 yuandan pul to‘langan.
Bundan tashqari, Samsung OAV bilan suhbatlashib, yangi smartfonlarga katta qiziqish bildirayotgani haqida gapirish uchun yana 30 nafar “professional fanatlar”ni yollagan. Ularga esa 50 yuandan haq berilgan.
O‘z rasmiy bayonotida Samsung The Paper xabarini “mutlaqo asossiz va chalg‘itadigan” deb atadi. Kompaniya yozishicha, tadbirga 1100 dan ortiq kishi kelgan: ularga haqiqatan taklifnomalar jo‘natilgan, biroq hech biriga pul to‘lanmagan.
